22 July 2019

Wo ajnabi he par jaani pehechani lagti he;

Uske andar bhi chupi koi gehri kahani lagti he;

Uske kareeb aana chahta hu par khudko rok raha hu;

kyki ye kahani bhi jhooti or dil ki manmani lagti he;

😔😔😔😔😔😔😔😔😔😔😔😔

Dear M

12/6/2019

Aaj k din mene cheezo ko kaafi alag nazariye se dekha , kehte he jab pyaar me ho to cheezo ko dekhne ka nazariya hi badal jaata he . Sahi hi kaha he kyuki mene aisa mehesus kiya he . Paani ko kabhi dhyaan se dekhte hi nahi log , ham sab bhi to paani ki tarha hi he uppar se sab ek jaise he par kon kitna gehera he koi nahi jaanta , kisne apni geheraio me kya kya raaz chupa rakhe he koi or unhe dekh hi nahi paata. Aaj jheel k kinare dimaag me tumhari tasveer ban rahi thi wahi bikhra hua me tehel raha tha . Tum mujhse kaafi dur kahi Darjeeling me bethi ho me kahi tumse dur in aandhiyo me tumhe dhoond raha hu , magar kuch to he jo mujhe tumse joode hue he. Aandhi ruk gai magar tum nahi milli . Tum mere liye iss garmi me baarish k uss badal ki tarha ho jiski pyaar ki bundo me bheegna chahta hu magar samey or halaat ki hawaye tumhe mujhse itna dur le gai he ki shayad ab kabhi tumhe dubara na dekh pau . Abtak me sapno may jeeta tha sochta tha ki mujhe tumse kon dur kar sakega aankh khuli to sachai dikhi ,ab sochta hu tumhe mere kareeb kon layega . Meri mannaton me tum itna utar chuki ho ki ab mandir bhi kam pad gaye he .Magar khuda se ek sawaal he ki kyu mujhe aisa kwaab dikhaya jab haqikat me usse toodna tha . Or zamaane ka kya kahu tumhare pyaar me bikharne k baad jaana ki jinhe me sochta tha sahara banenge mera, mere dil k tukdo pe paav rakh kar galtiyo ka ehesaas dilate he wo log. Par isme sabak tha or tumhare pyaar ki itni taqat thi kaafi sambhal chuka hu me . Ab uss safar par nikla hu jo shayad tumse mujhe kuch palo k liye kaafi dur karde par aakhir me tuhare paas laakar hi chodega. Aur iss safar me kahi na kahi aisa lagta he ki tum mera haath pakad kar mere saath ho 😔😢. Kuch logo ne kaha ki mujhe tumse pyaar tumhare husn ki wajha se he . Jab ye sawaal khudse poocha to jawaab mila ki

Tere husn ki choukhat se nahi,
hamne tere rooh k aashiyane se ishq kiya he,
mujhe pyaar sab se nahi ho sakta ae zamaane
Mere dil ne bass uska hi naam liya he,

yu toh husn waali roz aati jaati he iss duniya me,
unhe mene nahi iss zamane ne hi pyaar diya he ,
mene chahto ki dewaar ko rangne k liye ,
bass tera hi kyaal kiya he, tera hi naam likha he ;

Pls like comment and feel the beauty of nature

Dear M

10 June 2019

Mera roz likhne ka mann nahi karta ,par kya karu jab jazbaato se dil bhar jaata he to likhna padhta he ye jaante hue bhi ki shayad tum kabhi ye sab padho hi na .Aaj jiss jagha me khada or jaisa me banta jaa raha hu usme tumhari koi galti nahi or galti meri bhi nahi he ,ye to insaan ki fitrat he . Ham sabko cheeze bani banai milti he jaise mujhe tum milli thi ek dost ki tarha ,par ham sab cheezo ko behetar banane ki koshish karte he maine bhi ki thi tumhare liye nahi par apni liye hi sahi ,kuch cheeze behetar ban jaati he or kuch waisi hi rehe jaati he or kuch thodi kharab ho jaati he magar mene to lagbhag sab khatam hi kardiya he . Aaj bhi unn beete lamho ko yaad karta hu to rona aata he .Sahi kehete he log time palak jhapakte hi nikal jaata he .Ek din tha ham sath milkar hassa karte the ,me subha utha karta tha ki tumse milunga, ham phirse ladenge, baatey karenge magar kon jaanta tha ki ek subha aisi bhi aaegi jab rona bhi aaega or aansu bhi chupane padenge ,jab tumhare liye tadpunga or logo ko haskar bhi dikhana hoga , jab dil dimaag or zehen me tum hogi or logo ko tumhare baare me bata bhi nahi paaunga . Apne se behetar zindgi waale logo ko dekh kar lagta tha ki unke pass kitna kuch he lekin apne andar se ek baat aati thi ki unke pass tum nahi ho isliye me unse kahi zyada kush hu. Magar ab yaad aata he ki wo baatey thi mehez baatey . Ham dono bilkul wohi he par aisa lagta ki me kahi kho gaya hu or tum bhi kahi par gumm ho. Aakhir me bass itna kehena chahta hu ki

Meri raato ko bass tu hi jagmagati he
Khayalo me aake kaan me na jaane kya kehe jaati he
teri yaad hi he ab bass jo mere dil ko behelati he
teri baaton k siva bass kamoshiya hi nazar aati he

Hope you read this someday

Dear M

Pls like and follow but befor all this try to feel these words

 

Dear M
3rd June 2019

Aaj new moon he ,aasmaan ekdam khali he sirf stars or kuch nahi .Baaki logo k liye aasmaan ekdam khali hoga ekdam veerana , par mere liye is khaali aasmaan me chaand se bhi lakh guna sundar koi cheez he tumhara chehera . Mene aajtak raat ko kabhi itni khubsurti se nahi dekha jitna ye aaj lag rahi he .Ek time tha jab mujhe raato se nafrat thi may be due to Thanatophobia ( fear of losing someone or fear of death) magar jabse tumhe apne dil ki baat boli he inn raato ka me itzaar karta hu kab wo shor se bhara din khatam ho or kab ye shaanti se bhari raat iss aasmaan me chaa jaaye . Mujhe iss aasmaan se bada lagaav he kyuki ham sab isko dekh sakte he choone ki koshish kar sakte he magar kabhi choo nahi sakte bilkul waise hi jaise tum mere pass ho ham baatey kartey he magar me kabhi tumhe paa nahi sakta ,ab me isse meri “M” kahu ya tumhe mera aasmaan dono me koi fark nahi he .Shirf koshishey rehe jaati he mere saath ,ekdam bekaar or nakaam koshishy . Tum ye sab padhogi nahi magar me likhna chahta hu . Inn raato me jab koi aapka haal poochne k liye jaaga nahi hota tab aab khul k ro sakte ho ye mene ab jaana he . Sochta tha ki raat hoti hi kyu he ,ab sochta hu ki kaash ye raat ruk jaaye or me tumhare baare me bass sochta rahu ,mere khayalo me tumse baate karta rahu or tum mere khayalo me hi sahi par bass sunti raho .Kaash ki sirf tum or me rahe or baaki sab ruk jaaye . Iss aasmaan me bethey chaand ko jitni zaroorat in sitaaro ki he utni mujhe tumhari he or kaash ye tum bhi kabhi samajti. Andar se maut si aati he par jab bhi taaro ki or dekh kar tumhare baare me sochta hu me jee uth ta hu . Tymhare pyaar me iss kaali raat me bhi itni khubsurti nazar aane lagi he ki me ab inn fizaao ko jeene laga hu ,acchi lagti he ye chehre ko chuti hawaae jo tumhaari mehek ko mujhtak laati he .Maar dil me ek khayal aa hi jaata he ki agar tum nahi milli tab bhi kya me saalo baad isi tarha iss raat ko dekh kar ye sab mehesus karunga or rounga ? ye sab me nahi janta ,bass itna jaanta hu ki tumhare bina me iss bina chaand ki raat jaisa hu . Ye khaali sadak badi jaani pehechaani si he ,bilkul mere andar k sannate ko bayaan karti he jisme sirf tumhari yaadey rehe gayi jinko me bass galey se lagake roona chahta hu or tumhare baare me bass sochna chahta hu . Log kehte he kabtak bass tumhe hi chahunga par unko me kabhi samjha nahi paata ki tumko bhoolna bilkul apni rooh ko bhul jaane jaisa he because you are in my vein

Hope you read this some day

Good night

Dear M

Readers pls like comment but before that try to feel these word 
I suggest you to read this at night under an open sky